CAMP MACABULOS, Tarlac City - Naging positibo ang buy-bust operation ng pulisya at naaresto ang walong hinihinalang drug pusher na nakumpiskahan ng malaking gramo ng shabu at drug paraphernalia sa Block 6, Barangay San Nicolas, Tarlac City.
Ang operasyon ay pinangunahan nina Senior Insp. Milo Abriam, hepe ng Provincial Anti-Illegal Drugs Special Operation Task Group (PAIDSOTG) at Tarlac City Police chief Supt. Bayani Razalan, at inaresto sina Oliver Perez, 31; Lilibeth Perez, 32; July Reyes, 21; Jerome Perez, 29, ng Block 6, Bgy. San Nicolas; Rowena Dizon, 43; Sarah Joy Diamsay, 25, ng Bgy. Lourdes, Hacienda Luisita, Tarlac City; Michael Fernandez, 43, ng Bgy. San Roque; at Richelle Marcerlo, 32, ng Bgy. Tariji, Tarlac City.
Nakarekober ang pulisya ng tatlong transparent plastic sachet na may 0.098, 0.017, at 0.115 gramo ng hinihinalang shabu, at drug paraphernalia. - Leandro Alborote
