LAS VEGAS – Mismong si Bob Arum, promoter ni Manny Pacquiao sa Top Rank, ay kumbinsido na huling laban na ni eight-division world champion si Timothy Bradley, Jr.
“I wouldn’t be really surprised if it would be his last fight,” pahayag ni Arum.
Akari Sports wala pang balak pasukin ang PBA
“I don’t see the hunger for him to continue. I think he is really serious about devoting himself to other things like being a politician. I really think that.”
May pagdududa si Arum sa mga naunang pagkakataon at pilit na kinukumbinsi ang sarili na sasabak pa ang 37-anyos na si Pacquiao matapos ang laban kay Bradley.
Ngunit, sa mga nakalipas na araw, aniya, hindi bukas si Pacman sa usapin para sa susunod na laban.
“He’s not talking about ‘If I win, I wanna fight X, if I win, I wanna fight Y. He’s not talking to me about that,” sambit ng 85-anyos na promoter.
Subalit, naniniwala pa rin si Arum na tulad ng ibang fighter na nagretiro, may posibilidad na magbalik sa lona ang Pinoy champ.
“Rematch kay Floyd Mayweather”? Posible, ayon kay Arum.
“He’s not gonna come back just to do an ordinary comeback,” sambit ni Arum.
Laban kay Mayweather, tiniyak ni Arum na ibang usapan na ito. - Nick Giongco
