Ang dating interim coach ng Adamson University sa kanilang men’s basketball team na si Mike Fermin ay muling kinuha ng pamunuan ng uniberisdad para humawak sa kanilang women’s basketball team.
Matatandaang, pansamantalang ginabayan ni Fermin ang Falcons sa nakaraang UAAP Season 78 basketball tournament nakapagbigay ito ng tatlong panalo sa koponan kapalit ng dati nilang coach na si Kenneth Duremdes.
Ngunit pagkatapos ng nakaraang season ay kumuha na ng kanilang bagong head coach ng Falcons sa katauhan ni dating La Salle coach Franz Pumarez.
ALAMIN: Ano nga ba ang EBET Law na pinirmahan ni PBBM
Ang pagtatalaga kay Fermin ay kinumpirma ni bagong Adamson athletic director Fr. Aldrin Suan.
Pinalitan ni Fermin ang matagal na ring head coach ng Lady Falcons na si dating national player at dati ring Lady Falcon na si Emilia Vega.
Noong nakaraang season, nagtapos ang Lady Falcons na may 4-10, panalo-talong baraha.
Huli silang nag-kampeon noong 2009 at 2010 kasunod ng nauna nilang back-to-back wins noong 2003 at 2004
