Pagsanib ng PVF, inaasahan ng LVPI-Balita

Umaasa ang Larong Volleyball sa Pilipinas Inc. (LVPI) na sasanib at tuluyang makikiisa ang katunggali nitong Philippine Volleyball Federation (PVF) sa kanila upang maisaayos at maisakatuparan ang pinakamimithi na pagkakaisa at pagpapaangat sa larong volleyball sa bansa.

“We are opening our doors, even the windows to them in the hope of lifting up and provide direction to the sports we all love that is volleyball,” sabi ni LVPI Board member at referees, coaches and athletes commission chairman Atty. Ramon Malinao.

Aminado si Malinao na patuloy pa rin ang tinatalakay ang isinampang kaso ng PVF sa Pasig Regional Trial Court bagaman nakahanda ang LVPI na idepensa at ibigay ang lahat ng dokumento na makakapagpatunay na kinikilala ito ng world governing para sa volleyball na Federation Internationale des Volleyball (FIVB).

“We know that there is still a pending petition in Pasig RTC but we will be ready if the court calls us,“ paliwanag pa ni Malinao habang kasama si LVPI vice-president Pedro Cayco.

Matatandaan na isa si Malinao sa miyembro ng binuong komite ng Philippine Olympic Committee (POC) upang ayusin at buuin ang asosasyon ng volleyball sa bansa na nagresulta sa pagkakabigo ng LVPI.

Samantala’y hindi lamang sa kalidad ng laro kundi pati sa talento at husay ang inaasam na makamit ng LVPI sa nais nitong pagbubuo ng iba’t ibang pambansang koponan.

“We have many different tournaments like the Asian Games, Southeast Asian Games, Under 23, Under 18 and the Under 16 which really needed players,” sabi naman ni Cayco.

Ito ang dahilan kung kaya nais ng LVPI na magbuo ng mga eksklusibong national pool upang mapanatili nito ang konsentrasyon ng mga manlalaro na magrerepresenta sa bansa sa mga internasyonal na torneo.

Kapag napili ang isang manlalaro sa pool ay lilimitahan na lamang sa mga paglalaruang torneo maliban doon sa mga inirerepresenta nilang unibersidad o eskuwelahan. (ANGIE OREDO)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...