Nag-landfall kahapon sa Surigao del Sur ang bagyong “Seniang” kung saan 11 na lugar ang isinailalim sa Public Storm Warning signal (PSWS) No. 2 habang 17 pang lalawigan ang apektado nito.
Sinabi ni Jun Galang, weather specialist ng Philippine Atmopsheric, Geophysical and Astronomical Services Administration (PAGASA), partikular na hinagupit ng bagyo ang Hinatuan, Surigao del Sur.
Kabilang naman sa nasa Signal No. 2 ang Bohol, Siquijor, Southern Cebu, Negros Oriental, katimugan ng Negros Occidental, Surigao del Norte, Siargao Island, Agusan del Norte, Misamis Oriental, Camiguin at Agusan del Sur.
Habang nasa Signal No.1 naman ang Leyte, Southern Leyte, Camotes Island, nalalabing bahagi ng Cebu, iba pang lugar ng Negros Occidental, Guimaras, hilagang hilaga ng Davao Oriental, Davao del Norte, Bukidnon, Lanao del Norte, Lanao del Sur, Misamis Occidental, Zamboanga del Norte, Zamboanga del Sur, Zamboanga Sibugay, Compostella Valley at Dinagat Province.
PNP, nakasamsam ng tinatayang <b>₱20B halaga ng ilegal na droga sa buong 2024</b>
Si “Seniang” ay huling namataan sa layong 33km hilagang silangan ng Butuan City o 30 kilometro silangan ng Cabadbaran City.
Taglay pa rin nito ang lakas ng hangin na 65 kilometro kada oras (kph) at bugsong 80 kph.
