NAKAKABILIB ang kaprangkahang sumagot ni Kylie Padilla nang makaharap namin siya sa isang exclusive pocket interview. Ang maganda pa, kung feeling niya ay may ibang tao siyang masasaktan sa nasabi niya, ipinapakiusap niya na huwag na lang isulat.

Kylie openly speaks about her career—as an action-drama actress, painter, singer-songwriter at martial arts expert—at bukas din siyang pag-usapan ang tungkol sa kanyang personal na buhay, sa relasyon niya sa kanyang Daddy Robin (Padilla, na aniya’y over-protective lalo na sa lovelife niya), at sa buhay (moving-on after her break-up with a Kapuso actor (ayaw niyang ipabanggit ang name).

Naka-move-on na si Kylie pero hindi siya naghahanap ng kapalit, although sa normal na babaeng kasing ganda niya, hindi naman maiiwasang may nagpaparamdam.

Empleyadong lasing, patay matapos sapakin ng ginising na katrabaho

“My whole life, adjust to that person, pero ganu’n na nga, tanggap ko na (na wala na sila). Gano’n kasi ako magmahal, eh. Sa ngayon, huwag po muna, focus muna sa career ko,” mahinahong sabi ni Kylie sa amin.

Paano ang mga bubuyog na umaaali-aligid?

“’Yon nga, eh, kung kailan ko sinabi sa sarili ko na, ‘No, tama ka muna, Kylie’, ‘yun, andami na naman,” sabay tawa.

Hindi man direktang ipinahayag, duda ang mga katoto na baka isa sa mga bubuyog ang co-star niya sa Dilim na si Rayver Cruz. Ramdam kasi sa aming kuwentuhan na kinikilig siya sa binatang Cruz.

Lalo na nang banggitin kay Kylie na sa isa nilang guestings, na kinikilig siya kay Rayver, huling-huli ng kamera ang paghimas-himas ng binata sa kanyang likod.

“ Masaya ako no’ng araw na ‘yun,” pilyang sabi ng dalaga.

Aminado si Kylie na kinikilig siya kay Rayver.

“Yes, actually kinikilig na… paano ba ‘to?” parang batang sabi ng 21 year-old daughter ni Robin. “Nakakakilig talaga siyang kaeksena.”

Ayaw pang mag-elaborate ni Kylie tungkol kay Rayver dahil ayaw niyang masabihan na ginagamit nila ang sitwasyon to promote Dilim na ipalalabas na on October 22.

“Interview me after ipalabas ‘yung movie, sasabihin ko sa inyo ang totoo (sa kanila ni Rayver), ‘pag wala nang movie,” promise ng dalaga sa amin. “Alam n’yo na siguro. Ah, basta nakakakilig talaga siya.”

O, di ba? Mukhang tinamaan na naman si Kylie after her past failed relationship months ago.

Si Rayver na kaya ang kanyang Mr. Right?

“I don’t know, kasi on the set, good kami, so perfect pero hindi ko pa alam in real life kung match kami. ‘Yun (soulmate) ang hinahanap ko ngayon, eh, I am not for the lovey-dovey stuff anymore, gusto ko ‘yung kahit hindi nakikita ng tao, ando’n ‘yung chemistry na magma-match kami,” sagot niya.

Naiintindihan niya kung bakit over-protective at strict ang kanyang Papa Robin sa pakikipagrelasyon niya.

“’Yung pagka-protective ni Papa, may good reason naman and I know why kung bakit niya ginagawa ‘yun, kasi sa panahon natin ngayon talagang madami na ang hindi na conservative. Naiintindihan ko nga ‘yung mensahe ni Papa kung nagiging over-protective siya at hinihingi ko rin ‘yong trust niya sa akin na, I wouldn’t do that, you know. At sana rin maintindihan ni Papa na nagkakamali din ako, I’m only 21.” At bata pa raw siya.