CAVITE CITY – Nataranta ang mga residente ng siyudad na ito sa paglitaw ng isang dambuhalang ipo-ipo sa karagatan ng Cavite noong Sabado ng hapon.
Hanggang kahapon ay sentro pa rin ng usapan sa ilang komunidad ang naganap na ipo-ipo na inakalang tatama sa lugar ng Cavite dakong 5:40 ng hapon noong Sabado.
“Sa dagat nagsimula. Hindi naman tumama sa lupa. Malakas na malakas na ulan ang biglang bumagsak,” ayon sa isang nakasaksi sa ipo-ipo.
“Parang hinigop lahat ng tubig sa dagat at ibinuhos sa mga bahay,” ayon sa isa pang saksi.
Politics
Desisyon ni SP Escudero sa impeachment trial ni VP Sara, delaying tactics –Rep. Castro
Kasabay ng ipo-ipo ang malakas na ulan at kidlat.
Maraming residente rin ang nangamba na tatama ang ipo-ipo sa kanilang lugar subalit ito ay hindi nangyari.
Ayon sa pulisya sa Cavite City, walang naiulat napinsala – sa dagat o sa lupa – bunsod ng insidente. - Anthony Giron
