DAVAO CITY – Nasawi ang isang opisyal ng Department of Public Works and Highways (DPWH)-Region 11 at malubhang nasugatan ang dalawang iba pa makaraang sumalpok sa isang puno ng niyog ang sinasakyan nilang pick-up truck sa Barangay Buso, Mati City, Davao Oriental, noong Huwebes ng hapon.
Ayon sa report ng pulisya, ang nasawi ay si Jose Dennis Flores, chief information officer ng DPWH-11 at residente ng GSIS Heights, Matina, Davao City; habang sugatan naman sina Elmer Simbanagan Jr.; at Ysser Pelotos Duaran, kapwa kawani rin ng DPWH.
Ayon sa report, pabalik na ang mga biktima sa Davao City mula sa pag-iinspeksiyon ng isang proyekto sa Bgy. Tagbinuwa, Mati City nang mangyari ang aksidente.
Ayon kay Supt. Benito Recopuerto, hepe ng Mati City Police, inamin ng nagmaneho sa Navarra pick-up (LGE-161) na si Mark Anthony Hidalgo na nakatulog siya habang nagmamaneho kaya nawalan siya ng kontrol sa manibela hanggang sa bumangga sila sa isang puno ng niyog.
FL Liza Araneta-Marcos, nanguna sa pagbubukas ng ilang atraksyon sa Intramuros
Nakapiit na si Hidalgo sa himpilan ng Mati City Police habang nagpapatuloy ang imbestigasyon. - Alexander D. Lopez
