Ibinalik na ng Metropolitan Manila Development Authority (MMDA) ang muling implementasyon ng “Heat Stroke Break Policy” nitong Lunes, Marso 16, bilang proteksyon ng mga field personnel sa nagbabadyang pagpasok ng tag-init sa bansa.
Sa pahayag ng MMDA, ibinahagi rito na tinitiyak ng 30-minutong heat stroke break policy na mapanatiling ligtas mula sa anumang heat-related na mga sakit ang mga frontline personnel sa kasagsagan ng kanilang mga duty.
Saad pa ni MMDA General Manager Usec. Nicolas Torre III, sa polisiyang ito, lahat ng kanilang satellite offices ay susuplyan ng inuming tubig upang matiyak na hydrated ang mga personnel na nasa duty.
“All MMDA satellite offices will be provided with water for our field personnel. It is estimated that around 4,000 traffic enforcers will benefit from this initiative,” ani Torre.
“This will help ensure the health and wellness of all our field officers while also making sure that they will still be able to effectively perform their duties on the road,” dagdag pa niya.
PBBM, personal na sinimulan pamamahagi ng ₱5k cash relief assistance sa tricycle drivers
Kaya alinsunod sa “Memorandum Circular No. 04, Series of 2026,” ang mga sumusunod na schedule ang pagkakahati ng 30-minutong heat stroke break habang tinitiyak pa rin ang pagpapatuloy ng field operation:
Traffic Aides
5:00 AM to 1:00 PM Shift
Break: 10:00 AM to 10:30 AM / 10:30 AM to 11:00 AM
1:00 PM to 9:00 PM Shift
Break: 2:30 PM to 3:00 PM / 3:00 PM to 3:30 PM
6:00 AM to 2:00 PM Shift
Break: 11:00 AM to 11:30 AM / 11:30 AM to 12:00 PM
2:00 PM to 10:00 PM Shift
Break: 3:00 PM to 3:30 PM / 3:30 PM to 4:00 PM
Metro Aides / Street Sweepers
6:00 AM to 2:00 PM Shift
Break: 11:00 AM to 11:30 AM / 11:30 AM to 12:00 PM
11:00 AM to 7:00 PM Shift
Break: 2:30 to 3:00 PM / 3:00 PM to 3:30 PM
7:00 AM to 4:00 PM Shift
Regular break-time from 12:00 PM to 1:00 PM
Saad pa ng MMDA, sa mga araw na umabot sa 40°C o higit pa ang heat index sa Metro Manila, ang karagdagang 15-minute break ay i-iimplementa bilang dagdag pag-iingat sa mga field personnel.
Ang muling implementasyon ng Heat Stroke Break Policy ay aarangkada hanggang Mayo 31.
Matatandaang inanunsyo ng Philippine Atmospheric, Geophysical and Astronomical Services Administration (PAGASA) noong Linggo, Marso 15, na posibleng hanggang sa Martes, Marso 17 na lamang mararamdaman ang malamig na panahon bunsod ng amihan, bago tuluyang mag-transition sa dry season ang bansa.
MAKI-BALITA: Malamig na panahong dala ng amihan, posibleng hanggang Martes na lang – PAGASA
