Ibinahagi ni Angelica Yulo—ina ni two time Olympic gold medalist Carlos Yulo ang tinawag niyang “golden milestone” sa pagkamit niya ng college degree.
Sa pamamagitan ng Facebook post noong Biyernes, Marso 14, 2026, ibinihagi ni Angelica ang naging graduation ceremony niya sa Philippine Christian University (PCU) sa degree program na Bachelor of Office Administration.
"They say it's never too late and today I proved it and this also proves that determination knows no age limit. This diploma isn't just a paper it's a testament to my resilience and the refusal to let go of my dreams," ani Ani Angelica sa caption.
Nagpaabot din siya ng pagbati at pasasalamat sa pamunuan ng naturang unibersidad.
"But all of this wouldn't be possible through the help of Mr. Jeffrey Perida and the President of the Philippines Christian University Dr. Junifen F. Gauuan, for giving me a full ride scholarship. My heartfelt gratitude to these two amazing and kind hearted souls," saad ni Angelica.
PBBM, personal na sinimulan pamamahagi ng ₱5k cash relief assistance sa tricycle drivers
Hirit pa niya, "Expanded Tertiary Education Equivalency and Accreditation Program (ETEEAP) Graduate!!!"
Matatandaang naging laman ng balita si Angelica noong 2024 matapos ang naging pampublikong alitan ng kanilang pamilya kay Carlos Yulo kaugnay ng relasyon nito sa kaniyang nobya na si Chloe San Jose.
Samantala, lingid pa sa kaalaman ng pumpubliko kung nagkaayos na ang mag-ina, bagaman nakita si Carlos na nakikipag-bonding kasama ang kaniyang mga kapatid na sina Jorielgel, Eldrew, at Elaiza noong nakaraang Enero, kasama rin si San Jose.
