Impeachment complaint vs. PBBM, ‘walang pinanghuhugutan’ – PCO Usec. Castro

By Mary Joy Salcedo

May 09, 2025

In BALITA National

Iginiit ni Presidential Communications Office (PCO) Undersecretary Claire Castro na “walang pinanghuhugutan” ang isinampang impeachment complaint ng Duterte Youth party-list laban kay Pangulong Ferdinand “Bongbong” Marcos Jr. dahil pinairal umano ng pamahalaan ang batas nang arestuhin nila si dating Pangulong Rodrigo Duterte.

Sa isang panayam nitong Biyernes, Mayo 9, sinabi ni Castro na karapatan daw ng party-list na magsampa ng reklamo, ngunit muli niyang binigyang-diin na tinupad lamang daw ng administrasyong Marcos ang commitment nito sa Interpol.

"Karapatan po nila kung nais po nilang magsampa. Pero inuulit po natin, ang complaint na ‘to, sa ating pagtingin, ay walang pinaghuhugutan. Uulitin ulit natin, ang Pangulo at ang administrasyon ay gumaganap lamang ng kanilang katungkulan at ang batas ay pinapairal pati na po ang kanilang commitment sa Interpol," giit ni Castro.

"Kung mayroon mang sariling interes patungkol dito, nanaisin pa ba nila na hindi sundin ang batas, hindi ipagpatuloy ang commitment o talikuran ang commitment sa Interpol para sa mga taong inaakusahan ng crimes against humanity?" saas pa niya.

Matatandaang noong Huwebes, Mayo 8, nang magtungo sina Duterte Youth Party-list leaders Ronald Cardema at Marie Cardema ng sa opisina ng secretary general ng House of Representatives upang ihain ang kanilang impeachment complaint laban kay Marcos dahil sa pagpayag umano nitong ipadala si Duterte sa mga “banyaga” o sa International Criminal Court (ICC).

MAKI-BALITA: PBBM, hinainan ng impeachment complaint ng Duterte Youth party-list

Kasalukuyang nasa kustodiya ng ICC si Duterte sa The Hague, Netherlands matapos siyang arestuhin sa pakikipagtulungan ng administrasyon sa Interpol noong Marso 11, bunsod ng kasong “krimen laban sa sangkatauhan” kaugnay ng madugong giyera kontra droga ng kaniyang administrasyon.

BASAHIN: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Sen. Jinggoy, inalmahan si De Lima; naniniwala daw sa tsismis?

Pumalag si Sen. Jinggoy Estrada sa naging reaksyon ni Congresswoman-elect Leila de Lima hinggil sa umano’y bali-balitang hindi na raw uusad ang nakabinbing impeachment trial ni Vice President Sara Duterte sa Senado.Sa pahayag ni Estrada nitong Biyernes, Mayo 30, 2025, iginiit niyang tanging tsismis lang daw ang pinaniniwalaan ni De Lima.“Na-grandstanding lang ‘yan [Leila de Lima] naniniwala...

MMDA, pinabulaanang may naparusahan sa pagbibigay-daan sa emergency vehicles

Tinawag na “misleading” ng Metropolitan Manila Development Authority (MMDA) ang kumakalat umanong mga komento sa social media hinggil sa paglabag sa no contact apprehension policy (NCAP) matapos magbigay-daan sa emergency vehicles.Sa pamamagitan ng Facebook post nitong Biyernes, Mayo 30, 2025, iginiit ng MMDA na wala raw katotohanan ang kumakalat na komento sa social media.“Misleading ang...

Grupo ng mga guro, tinutulan reporma sa GE subjects

Naghayag ng pagtutol ang Congress of Teachers and Educators for Nationalism and Democracy (CONTEND) kaugnay sa napipintong pagtatapyas sa tatlong general education subjects na Art Appreciation, Contemporary World, at Ethics sa college curriculum.Sa Facebook post ng CONTEND noong Huwebes, Mayo 29, sinabi nilang manipestasyon umano ng repormang ito ang mababaw na pag-unawa ng Department of Education...