Baguio-based Japanese language center, isinara ng DMW-Balita

Baguio-based Japanese language center, isinara ng DMW

Isinara ng Department of Migrant Workers (DMW) ang isang Japanese language training center sa Baguio City nitong Biyernes matapos na matuklasang nag-aalok ng trabaho sa Japan nang walang kaukulang lisensiya mula sa pamahalaan.

Mismong sina DMW Undersecretary Bernard Olalia at Assistant Secretary Francis Ron de Guzman, kasama ang Migrant Workers Protection Bureau (MWPB) ng DMW, sa koordinasyon ng Baguio City Police, ang nanguna sa pagpapasara sa tanggapan ng Institute of Building Foreign Language Inc. (IBFL) na matatagpuan sa 11 M. Ponce St., First Road, Quezon Hill Proper, Baguio City.

“The IBFL is neither licensed and authorized by the DMW to recruit and place Filipino workers nor does have any approved job orders to Japan. Ito ay malinaw na illegal recruitment ng ating mga kababayan na nais magtrabaho sa Japan,” ayon kay Olalia.

Batay sa surveillance operations na isinagawa ng MWPB, lumitaw na ang IBFL ay iligal na nagre-recruit ng kanilang Japanese language graduates bilang magsasaka, caregivers, factory workers, at food processing workers sa Japan na may sahod na mula P80,000 hanggang P100,000.

Ang closure operation ng IBFL ay nag-ugat sa reklamo na inihain ng isang job applicant sa MWPB.

Ang complainant ay isa sa mga graduates ng IBFL na ni-recruit upang magtrabaho sa Japan at nagbayad ng mahigit P57,000 para sa kanyang plane ticket, service fee, at visa processing.

Sa kanyang panig, nagpahayag naman si Baguio City Mayor Benjamin Magalong ng buong suporta upang labanan ang illegal recruitment at agarang ipinag-utos ang kanselasyon ng business permit at lisensiya ng IBFL.

Isasama naman umano ng DMW ang mga pangalan ng mga opisyal at empleyado ng IBFL sa kanilang 'List of Persons and Establishments with Derogatory Record' upang hindi na makalahok pa sa overseas recruitment program ng pamahalaan.

Sasampahan din umano sila ng DMW ng kasong syndicated illegal recruitment.

Hinikayat pa ng DMW ang iba pang aplikante na nabiktima ng ilegal na aktibidad ng IBFL na kumontak sa MWPB na maghain ng kaso.

Anito, "MWPB may be contacted through their Facebook page at https://www.facebook.com/dmwairtip and through their email at [email protected]."

Agusan del Sur, nilindol ng magnitude 5.3

Niyanig ng magnitude 5.3 na lindol ang Agusan del Sur nitong Huwebes ng gabi, Disyembre 26.Sa ulat ng Phivolcs, nangyari ang lindol bandang 6:26 nitong Huwebes. Naitala anila ang epicenter ng lindol sa Talacogan, Agusan del Sur na may lalim ng 12 kilometro. Tectonic ang pinagmulan ng pagyanig. Niatala ang Intensity IV sa Bislig at Hinatuan, Surigao del Sur; Intensity III sa Gingoog, Medina,...

Makabayan bloc, pinuna balak ni FPRRD na maging abogado ni VP Sara: 'Desperate political maneuver!'

Tahasang pinuna ng ilang mambabatas mula sa Makabayan bloc ang balak umano nina Vice President Sara Duterte at kaniyang ama na si dating Pangulong Rodrigo Duterte na maging magkasangga sa haharaping impeachment cases ng pangalawang pangulo.Ayon sa ulat ng Manila Bulletin nitong Huwebes, Disyembre 26, 2024, naglabas ng joint statement ang Makabayan Bloc at tinawag na taktika lamang daw ang planong...

Ilang araw bago ang New Year: Bilang ng mga naputukan, pumalo na sa 69

Iniulat ng Department of Health (DOH) na umabot na sa 69 ang naitala nilang fireworks-related injuries (FWRI) sa bansa matapos ang pagdiriwang ng Pasko.Sa inilabas na datos ng DOH nitong Huwebes, nabatid na nakapagtala pa sila ng 26 bagong kaso ng biktima ng paputok nitong Pasko, na mas mababa o kalahati ng 52 kaso na naitala sa kahalintulad na petsa noong nakaraang Pasko.Ayon sa DOH, ang naturang...