Nagkasama na rin sa wakas sa isang eksena ang karakter nina dating Hashtag members Nikko Natividad at McCoy De Leon sa primetime series na “FPJ’s Batang Quiapo.”
Sa Instagram post ni Nikko kamakailan, ibinahagi niya ang behind-the-scene photo nila ni McCoy pagkatapos nilang magkaengkuwentro.
“Ang tagal kong hinintay na maka eksena kita @mccoydeleon. Tapos unang beses nating magkakaeksena babarilin nyo lang pala kami,” saad ni Nikko sa caption ng kaniyang post.
“Sana hindi nalang tayo nag ka eksena Hayup ka buti nalang hindi ako napuruhan” aniya.
Coco Martin, nahiya nang ipasok sa 'Batang Quiapo' 2 niyang kapatid
Dagdag pa niya: “Si direk @cocomartin_ph kasi ayaw pako pahawakin ng baril, marunong naman ako gumamit.”
Umani naman ng samu’t saring reaksiyon mula sa mga netizen ang naturang paskil. Narito ang ilan sa kanilang mga komento:
"Swerte ni nikko pinutukan ni mccoy"
"proud of you two "
"Nakakainis c David ang galing nya"
"Linisin mo na baril ni David yun naman pangarap mo diba? Hahaha"
"Para kang kinagat ni Mccoy hahhaa"
"Ang pogi talaga ni mccoy! Lalo na nung nasa Batang Quiapo na sya. "
"Dapat kase si David na pinapatay dto eh para magka peace of mind nako lols! "
"ang sama talaga ni David d man lang niya na isip na binantayan mo din si Feliz ”
Matatandaang sa eksena ring ito nangyari ang pagpaslang ni McCoy sa karakter ni Kapamilya sexy actress Ivana Alawi na si “Bubbles.”
MAKI-BALITA: Ivana Alawi, tinuluyan na sa Batang Quiapo
