Timbog ang 69-anyos na lalaking senior citizen dahil sa pagkakasangkot umano sa iligal na droga sa Hermosa, Bataan nitong Huwebes ng gabi, Hulyo 11.
Bukod sa 69-anyos, timbog din ang dalawa pang indibidwal sa isinagawang buy-bust operation sa Purk 2, Barangay Tipo.
Kinilala ng mga awtoridad mula sa PDEA ang mga naaresto na sina Racquel P. Crespo, 69; Angelo Corpin, 32; at Ariel Acedera, 25.
Nasamsam mula sa kanila ang limang plastic sachets na naglalaman na hindi bababa sa 15 gramo ng umano'y shabu na may halagang ₱102,000; assorted drug paraphernalia, at buy-bust money.
Mahaharap ang mga suspek sa kasong paglabag sa RA 9165 o ang Comprehensive Dangerous Act of 2002.