Naniniwala si Gabriela Women’s Party-list Representative Arlene Brosas na "insulto" sa mga manggagawang Pilipino sa National Capital Region (NCR) ang umentong ₱35 sa suweldo, at hindi umano sapat upang matugunan ang mga pangangailangan sa kasalukuyan.
"This ₱35 increase is an insult to Filipino workers. It's barely different from the ₱25 wage hike implemented way back in 1989, and lower than the ₱40 hike granted last year,” ani Brosas, sa kaniyang inilabas na pahayag ngayong araw ng Lunes, Hulyo 1.
Hindi raw sapat ang minimum wage na ₱645 sa isang araw kumpara sa Family Living Wage na ₱1,200, at patuloy na tumataas ang presyo ng mga bilihin sa pamilihan.
"Hampaslupa ang tingin ng gobyerno sa mga manggagawa," giit pa ng solon.
Marikina LGU: Ulat na dinukot ang 4 na menor de edad sa lungsod, fake news!
Kaya naman, isinusulong ni Brosas na maipasa na ang House Bill No. 7568 o kilala sa tawag na ₱750 across-the-board (ATB) wage hike bill. Sana raw ay mabanggit ito sa nalalapit na State of the Nation Address (SONA) ni Pangulong Ferdinand "Bongbong" Marcos, Jr. sa Hulyo 22.
