Resort sa Chocolate Hills, sinita ng netizens; DENR, kinalampag-Balita

Trending sa X ang "Chocolate Hills" dahil sa isang resort na ipinatayo rito, na nakasisira daw sa magandang view ng isa sa mga tourist spot sa Pilipinas.

Photo courtesy: Screenshot from X/Richard de Leon

Makikitang sa top view ay kapansin-pansin nga ang resort na tila panira daw sa magandang view na puwedeng kunan ng larawan ng mga turista.

Makikita sa vlog na "Ren The Adventurer" ang pagtatampok sa nabanggit na resort. Aniya, ito lang daw ang resort na matatagpuan sa gitna ng Chocolate Hills. Ang entrance fee dito ay ₱100 para sa adults, ₱75 naman sa mga bata, at ₱300 naman para sa cottages.

Dahil dito, kinalampag ng mga netizen ang Department of Environment and Natural Resources (DENR) maging ang lokal na pamahalaan ng Bohol, kung may permit daw ba ang pagpapatayo nito, na makikita sa Captain's Peak, Sagbayan, Bohol. Kuwestyon pa ng mga netizen, bakit daw pinayagan ang pagpapatayo nito sa nabanggit na tourist spot?

"sINCE WHEN DID THE DENR PERMIT A LITERAL RESORT IN THE MIDDLE OF THE CHOCOLATE HILLS"

"Gumawa ng resort sa Chocolate Hills, ang pangit naman"

"may bobong nagpatayo ng resort sa gitna ng chocolate hills. hindi ba protected landscape ito? ang tanga tanga lang 🤦🏻‍♂️"

"Chocolate Hills is a National Geological Monument and being proposed to be a UNESCO World Heritage site. Who gave the permission to build a resort there? 🤨"

"@DENROfficial and LGU Bohol why is there a resort built in the middle of the #ChocolateHills ? This area should be protected at all cost since the Chocolate Hills is one of the Philippines' Natural Treasures. Please take action!"

"WHEN DID THE DENR PERMIT A LITERAL RESORT IN THE MIDDLE OF THE CHOCOLATE HILLS?"

Samantala, noong Setyembre 2023 ay kinalampag na ni Bohol Provincial board member Jamie Aumenado Villamor ang DENR na ipahinto ang konstruksyon ng mga establishment sa paligid ng vicinity ng isa sa mga sikat na tourist attractions sa Pilipinas.

"The DENR-PAMB, in consultation with stakeholders, must address the ambiguity of the rules and guidelines in the development and management of our protected areas to ensure long-term protection and conservation," aniya sa isang panayam.

Samantala, wala pang tugon, reaksiyon, o pahayag ang DENR o maging ang may-ari ng resort tungkol sa isyu.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...