May hirit si Vice Ganda tungkol kasalukuyan daw na pinag-aaralan ng gobyerno ng Pilipinas.
Sa episode ng It’s Showtime na Tawag ng Tanghalan Kids nitong Martes, Enero 30, tinanong ni Karylle ang isang Grade 4 student na contestant kung anong pinag-aaralan nito sa favorite subject niyang Math.
“Division,” sagot ng contestant.
“Division. They also study that in the government. Division of the government. Division. They used to study unity, now division,” hirit naman ni Vice.
OFW na hinoldap, inundayan ng saksak sa terminal sa Maynila, nakauwi na ba sa pamilya?
“Grade 1, unity. Grade 2, division,” dagdag pa niya.
Matatandaang noong Linggo, Enero 28, nagsagawa ang pamahalaan ng “Bagong Pilipinas” kick-off rally sa Quirino Grandstand, habang nagsagawa rin ang pamilya Duterte ng Prayer rally kontra Charter Change (Cha-Cha) sa Davao City.
Sa isinagawang prayer rally sa Davao City noong Linggo, tinawag ni dating Pangulong Rodrigo Duterte si Marcos na “drug addict.”
MAKI-BALITA: PBBM ‘bangag’, ‘drug addict’, sey ni ex-Pres. Duterte
Itinanggi naman ng Philippine Drug Enforcement Agency (PDEA) na kasama si Marcos sa kanilang drug watchlist.
MAKI-BALITA: PDEA, kinontra si ex-Pres. Duterte; itinangging nasa drug watchlist si PBBM
Matapos ang tirada sa kaniya, iginiit naman ni Marcos na baka nasabi raw ni dating Pangulong Duterte ang naturang mga pahayag laban sa kaniya dahil sa pagtira umano nito ng “fentanyl.”
MAKI-BALITA: Ex-Pres. Duterte tumitira daw ng ‘fentanyl,’ banat ni PBBM
Samantala, sinabihan naman ni Davao City Mayor Baste Duterte si Marcos na “tamad” at kulang daw sa “compassion” bilang punong ehekutibo ng bansa.
MAKI-BALITA: Mayor Duterte kay PBBM: ‘You are lazy and you lack compassion’
Bukod dito, igiit pa ng alkalde na dapat na raw magbitiw sa pwesto ng pagkapangulo si Marcos kung wala raw itong pag-ibig para sa Pilipinas.
MAKI-BALITA: Davao City Mayor Duterte, pinagre-resign si PBBM
Kaugnay nito, nito lamang Lunes ay naglabas ng opisyal na pahayag si VP Duterte ukol sa panawagan ni Mayor Baste na mag-resign na si Marcos bilang pangulo.
MAKI-BALITA: VP Sara, nagsalita ukol sa panawagan ng kapatid na mag-resign na si PBBM
