Posibleng mag-landfall ang bagyong Kabayan sa Davao Oriental ngayong Lunes, ayon sa Philippine Atmospheric, Geophysical and Astronomical Services Administration (PAGASA).
Sa weather bulletin, pagkatapos ng pagtama nito sa naturang lalawigan ay magiging low pressure area na lamang ito bago lumabas ng bansa sa Miyerkules, Disyembre 20.
Huling namataan ang bagyo sa coastal waters ng Manay, Davao Oriental at kumikilos pa-kanluran sa bilis na 20 kilometer per hour (kph).
National
Dr. Edsel Salvana, nakatanggap ng 'Innovation Excellence Award for Research' mula sa PhilDev
Taglay din nito ang lakas ng hanging aabot sa 65 kph malapit sa gitna at bugsong aabot sa 80 kph.
Isinailalim pa rin sa Signal No. 2 ang ilang lalawigan sa bansa bunsod ng bagyong Kabayan.
Sa weather bulletin ng Philippine Atmospheric, Geophysical and Astronomical Services Administration (PAGASA), kabilang sa apektado ng nasabing babala ng bagyo ang Dinagat Islands, Surigao del Norte, kabilang na ang Siargao at Bucas Grande Islands, Surigao del Sur, northern portion ng Agusan del Norte (Kitcharao, Jabonga, Santiago, City of Cabadbaran, Remedios T. Romualdez, Tubay), eastern portion ng Agusan del Sur (Trento, Bunawan, San Francisco, Rosario, Prosperidad, City of Bayugan, Sibagat), at northern portion ng Davao Oriental (Boston, Cateel) sa Mindanao.
Nakataas din sa Signal No. 1 ang southern portion ng mainland Palawan (Sofronio Española, Brooke's Point, Bataraza, Balabac, Rizal, Quezon, Narra) at Cagayancillo Islands sa Luzon; Southern Leyte, Leyte, southern portion ng Samar (Basey, Santa Rita, Marabut, Talalora, Villareal, Pinabacdao), southern portion ng Eastern Samar (Maydolong, City of Borongan, Quinapondan, Guiuan, Lawaan, Balangiga, Llorente, Giporlos, Salcedo, Balangkayan, General Macarthur, Hernani, Mercedes), Cebu, kabilang na ang Camotes at Bantayan Islands, Bohol, Siquijor, Negros Oriental, Negros Occidental, at Guimaras sa Visayas.
Apektado rin ng bagyo ang natitirang bahagi ng Agusan del Norte, Agusan del Sur, central portion ng Davao Oriental (Baganga, Manay, Caraga, Tarragona, Lupon, Banaybanay), Davao de Oro, Davao del Norte, Davao City, Camiguin, Misamis Oriental, Bukidnon, Misamis Occidental, Lanao del Norte, Lanao del Sur, northern portion ng Maguindanao del Norte (Buldon, Barira, Matanog, Parang, Sultan Kudarat, Sultan Mastura), northern portion ng Cotabato (Arakan, Carmen, Banisilan, Alamada, President Roxas, Kabacan, Matalam, Antipas, Magpet, Libungan, Pigkawayan), northern at central portions ng Zamboanga del Norte (Siayan, Sindangan, Jose Dalman, Manukan, Pres. Manuel A. Roxas, Sergio Osmeña Sr., Katipunan, Dipolog City, Polanco, Mutia, Piñan, Dapitan City, Sibutad, La Libertad, Rizal, Siocon, Baliguian, Gutalac, Labason, Kalawit, Tampilisan, Liloy, Salug, Godod, Bacungan), Zamboanga del Sur, at Zamboanga Sibugay sa Mindanao.
