Nasa 82 na ang na-disqualify na kandidato sa nakaraang Barangay at Sangguniang Kabataan Elections (BSKE) dahil sa iba't ibang dahilan.
Sa datos ng Commission on Elections (Comelec), kabilang sa mga na-disqualify ang 48 kandidato dahil sa maagang pangangampanya.
Umabot naman sa 20 ang napatunayang nagkasala sa disqualification case habang ang lima ay tinanggihan ang kanilang kandidatura.
Lima rin ang idineklarang hindi kwalipikado dahil sa pagiging nuisance candidates.
Inireklamo rin ng premature campaigning ang tatlong kandidato at vote buying naman sa isa pa na nagresulta ng kanilang pagka- disqualify.
Ang mga naturang kandidato ay taga-Agusan del Norte, Bulacan, Tarlac, Iloilo, Laguna, Rizal, Pampanga, Oriental Mindoro at Metro Manila, dagdag pa ng Comelec.
PNA
