Niyanig ng magnitude 4.0 na lindol ang probinsya ng Occidental Mindoro nitong Sabado ng umaga, Oktubre 21, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan dakong 8:54 ng umaga.
Namataan ang epicenter nito 7 kilometro ang layo sa hilagang-silangan ng Abra De Ilog, Occidental Mindoro, na may lalim na 1 kilometro.
Naitala ang Instrumental Intensities sa mga sumusunod na lugar:
National
Revilla, sumuko na: 'Nakakalungkot po parang wala yatang due process'
Intensity III - Puerto Galera, Oriental Mindoro
Intensity II - Abra de Ilog, Occidental Mindoro
Intensity I - City of Calapan, Oriental Mindoro
Wala namang inaasahan ang Phivolcs na posibleng aftershocks ng lindol.
Hindi rin umano inaasahang magdudulot ng pinsala ang nasabing pagyanig.
