MABALACAT CITY, Pampanga — Nabuwag ang isang drug den at naaresto ang walong indibidwal na sangkot umano sa iligal na droga sa isinagawang buy-bust operation sa South Daang Bakal, Barangay Dau, noong Martes, Agosto 8.
Kinilala ng awtoridad ang mga naarestong suspek na sina Cesar Mabalo, 41; Lanie Cano, 38; Girlie Fulay, 37; Sharon Lariza, 38; Marcos Ferrer, 55; Alejandro Dayrit y Nunga, 46; Mark Pamintuan, at Danilo Lariza, lahat ay mula sa Mabalacat, Pampanga.
Catanduanes, niyanig ng magnitude 6.1 na lindol
Nasamsam sa mga suspek ang 15 gramo ng umano’y shabu na may estimated street value na P102,000; assorted drug paraphernalia; at buy-bust money na ginamit ng undercover agent.
Ang naturang operasyon ay isinagawa ng pinagsanib na puwersa ng PDEA Tarlac at PDEA Pampanga Provincial Office, at lokal na pulisya.
Mahaharap sa kasong paglabag sa RA 9165 o ang Comprehensive Dangerous Drugs Act of 2002 ang mga suspek.
