MRT-3, humiling muli ng taas-pasahe

By Mary Ann Santiago

July 03, 2023

In BALITA

Humiling muli ng taas-pasahe ang pamunuan ng Metro Rail Transit Line 3 (MRT-3) nitong Lunes.

Kinumpirma ni Department of Transportation (DOTr) Undersecretary for Railways Cesar Chavez na naghain sila ng petisyon para sa taas-pasahe sa DOTr-Rail Regulatory Unit (RRU).

Ayon naman kay DOTr Assistant Secretary for Railways Jorjette Aquino, na siya ring officer-in-charge ng MRT-3, layunin ng petisyon na madagdagan ng P2.29 ang kanilang boarding fare at maging P13.29, mula sa dating P11 lamang.

Nakasaad din aniya sa petisyon ang hiling na mapahintulutan silang maitaas ang distance fare ng hanggang P1.21 kada kilometro, mula sa dating P1 kada kilometro.

Inaasahan umano nilang mailalabas ang desisyon sa petisyon sa loob ng dalawang buwan.

Sa kasalukuyan, ang pasahe sa MRT-3 ay nasa mula P13 na minimum hanggang P28 na maximum.

Sinabi ni Chavez, tulad ng Light Rail Transit Line 1 (LRT-1) at Line 2 (LRT-2), wala ring fare adjustment ang inaprubahan para sa MRT-3 sa nakalipas na walong taon.

Kamakailan lamang naman ay inianunsiyo ng DOTr na pinahintulutan na ang LRT-1 at LRT-2 na magtaas ng pasahe simula sa Agosto 2.

Bagyong Gener, napanatili ang lakas; malapit na sa WPS

Napanatili ng Tropical Depression Gener ang lakas nito at habang kumikilos papalapit sa West Philippine Sea (WPS), ayon sa Philippine Atmospheric, Geophysical and Astronomical Services Administration (PAGASA) dakong 11:00 ng umaga nitong Lunes, Setyembre 17.Sa tala ng PAGASA dakong 11:00 ng umaga, huling namataan ang sentro ng bagyong Gener sa vicinity ng Kibungan, Benguet.Taglay nito ang lakas ng...

KWF, maglulunsad ng seminar sa pagsasalin

Nananawagan ng lahok ang Komisyon sa Wikang Filipino (KWF) para sa isasagawang SALINAYAN 2024: Online Seminar-Training sa Pagsasalin (Tuon sa Pagsasalin ng Gabay ng Mamamayan).Sa Facebook post ng KWF nitong Martes, Setyembre 17, mababasa ang anunsyo at detalye kaugnay sa nasabing pagsasanay.“Inaanyayahan ang mga pamahalaang lokal (LGUs) na lumahok sa SALINAYAN 2024: Online Seminar-Training sa...

MRT-3, may pa-libreng sakay sa goverment employees para sa Philippine Civil Service anniversary

Maghahandog ng libreng sakay para sa mga kawani ng gobyerno ang Metro Rail Transit Line 3 (MRT-3) bilang pakikiisa sa pagdiriwang ng anibersaryo ng Philippine Civil Service.Ayon sa pamunuan ng MRT-3, magtatagal ang libreng sakay simula Setyembre 18 hanggang Setyembre 20, 2024, sa buong oras ng operasyon nito. 'Binabati at pinasasalamatan po natin ang lahat ng mga empleyado ng gobyerno na...