Itinalaga ni Pangulong Ferdinand "Bongbong" Marcos Jr. si Ted Herbosa bilang bagong kalihim ng Department of Health (DOH).

Isinagawa ni Marcos ang appointment halos isang taon matapos iwanang bakante ang puwesto.

Inanunsyo ng Malacañang ang appointment matapos makapanay ng Pangulo sina Herbosa at Health Undersecretary Ma. Rosario Vergeire sa isang pagpupulong sa Malacañang nitong Lunes ng hapon, Hunyo 5.

Si Herbosa, isang doktor sa propesyon, ay nagsilbi bilang isang espesyal na tagapayo ng National Task Force laban sa Covid-19.

Empleyadong lasing, patay matapos sapakin ng ginising na katrabaho

Naglingkod din siya bilang DOH Undersecretary mula 2010 hanggang 2015, na nag-ambag sa iba't ibang mga inisyatiba tulad ng Hospital Accreditation Commission, Modernization of the Philippine Orthopedics Center, at pagtataguyod ng Public-Private Partnerships in Health.

Hawak din niya ang mga posisyon ng dating Undersecretary at concurrent Regional Director sa DOH-National Capital Regional Office.

Bago ang kaniyang appointment, humawak si Herbosa ng posisyon bilang propesor sa College of Medicine sa University of the Philippines Manila.

Mula Oktubre 2017 hanggang Abril 2021, nagsilbi si Herbosa bilang executive vice president ng University of the Philippines System. Nahawakan niya ang iba't ibang mahahalagang posisyon, kabilang na ang Chief Division of Trauma sa Department of Surgery, Philippine General Hospital, Chairman ng Board for Physicians for Peace Philippines, at 3rd Vice President ng UP Alumni Association.

Nakuha niya ang kanyang degree sa medisina mula sa Unibersidad ng Pilipinas Manila at may hawak na bachelor's degree sa Biology mula sa Unibersidad ng Pilipinas sa Diliman.

Kasama rin sa educational background ni Herbosa ang isang International Diploma Course sa Emergency and Crisis Management mula sa University of Geneva at Postgraduate Studies in Medicine mula sa Sackler Faculty of Medicine, Tel Aviv University.

Ang bagong Health Chief ay nagsilbi bilang isang propesor sa Emergency Department sa Hospital Universiti Kebangsaan sa Kuala Lumpur, Malaysia, at sa National University of Malaysia.

Naglingkod din siya bilang isang international consultant sa ilang mga bansa, kabilang na ang Palau, Maldives, Malaysia, Pakistan, India, Bangladesh, Nepal, Vietnam, Tunisia, at Thailand.