Nagmula mismo sa bibig ni Kapuso actress Max Collins na matagal na silang hiwalay ng dating mister na si Pancho Magno.
Sa latest episode ng "Fast Talk with Boy Abunda" nitong Lunes, Mayo 29, inamin ni Max na noong kasagsagan pa ng pandemya sila naghiwalay ni Pancho, subalit hindi na niya idinetalye ang puno't dulo nito.
"I didn't talk about it because syempre, marami kaming pinagdaan as a family that time because there was a pandemic, nanganak ako, my marriage was falling apart," aniya.
"I had to process everything, and I wanted to quiet the noise. I didn't want to hear other people's opinions, suggestions, comments because artista na ako, ayaw kong gawing teleserye 'yung buhay namin," patuloy niya.
50.78% examinees, pasado sa Nov. 2024 Licensure Exam for Agriculturists
Maayos naman daw ang kaniyang paghihiwalay at napagkasunduan nilang huwag nang palakihin pa ang isyu at huwag nang magsalita sa social media. Actually, mga netizeng "marites" lang naman ang nakatunog dahil hindi na nga napagkikita ang dalawa sa social media posts ng isa't isa, lalo na nang magkahiwalay nilang ipinagdiwang ang kaarawan ng anak nilang si Skye noong 2021.
Pero nakumpirma ito nang di sinasadya ng kaibigan at kapwa Kapuso star na si Kylie Padilla.
MAKI-BALITA: Kaloka! Kylie Padilla, may di sinasadyang naibuking tungkol kina Max Collins, Pancho Magno
Pero pag-amin din ni Max, hindi madali ang kanilang hiwalayan.
"Every separation is difficult, but it was amicable. We were not working and we needed to try spending time apart to see how that would work because we have a son to think about."
Ginawa naman daw nila ang lahat upang maayos at masalba ang kanilang pagsasama.
Isa pa sa mga inamin ni Max, may basbas daw mula kay Pancho ang interview niya kay Boy Abunda.
"That's why I'm ready to talk about it now because we're in a good place. I actually got his blessing to do an interview with you. We're in a very good place now. Our child is almost three, and he's very happy and healthy, and we have a very good co-parenting relationship," paliwanag niya.
Sa ngayon daw ay co-parenting sila sa kanilang anak na si Skye. 2017 nang ikasal ang dating Kapuso couple.
