Inanunsyo ni Department of Tourism (DOT) Secretary Christina Frasco nitong Sabado, Mayo 13, na nalampasan ng Pilipinas ang 2 milyong target sa international visitor arrivals para sa taong 2022.

Sa isang forum sa Makati City, ibinahagi ni Frasco na nakapagtala ang bansa ng 2,002,304 international visitor arrivals mula Enero 1 hanggang Mayo 12, 2023.

Lampas umano ito sa buong taong target para sa 2022 na 1.7 milyong foreign visitors.

“??????????????? ??? ?????????? ??? ???????????? ???? ??? ??????? ??? ?????, ? ???????? ??? ??? ??????? ?????????? ???? ???? ???? ??? ?????? ??? ???? ???? ?? ???? ???? ??? ???? ??????? ?? ????? ??? ???????? ?????? ?? ?? ???????? ??? ?????? ?? ??? ???????????,” ani Frasco.

Ayon pa kay Frasco, prayoridad ng administrasyon ni Pangulong Ferdinand “Bongbong” Marcos Jr. ang turismo ng bansa, kaya’t malaki umano ang posibilidad na maging “tourism powerhouse” ang Pilipinas sa Asya.

“?? ??? ?? ??? ???? ?? ??? ??????? ??????? ?? ??????? ?? ??? ???????????. ??? ??? ???? ??, ??? ??? ???? ??, ??? ??? ??? ??, ??'? ??? ???? ???????????, ??'? ??? ???? ?? ?????? ????'? ??????? ??????? ?????????? ??? ???? ???? ????, ?? ??? ??????? ???? ????,” saad ni Frasco.

Naghatid umano ang South Korea ng halos isang-kapat ng kabuuang bilang ng mga bisita para sa Pilipinas na may 487, 502 (24.35%). Sinundan naman umano ito ng United States of America na may 352, 894 (17.62%); Australia na may 102, 494 (5.12%); Canada na may 98, 593 (4.92%); at Japan na may 97, 329 (4.86%).

Kasama rin umano sa sampung bansang nanguna sa paghatid ng mga bisita sa Pilipinas ang China (75,043), Taiwan (62,654), United Kingdom (62,291), Singapore (53,359), at Malaysia (36,789).

Sa parehong ulat, nagtala umano ang DOT ng ₱168.52 bilyon sa mga inbound visitor receipts mula Enero hanggang Abril 2023. Ito ay 782.59% na mas mataas kaysa sa ₱19,093,427,035.59 mga kita sa turismo na nabuo sa parehong panahon noong nakaraang taon.