Camp Francisco S. Macabulos, Tarlac City -- Arestado ang Provincial Top 9 Most Wanted Person sa ikinasang manhunt operation ng Bamban Police at Tarlac Police Provincial Office sa Bamban, Tarlac ayon sa ulat nitong Sabado, Nobyembre 5.

Kinilala ni PMAJ Edward  B Castulo, Chief of Police of Bamban PNP, ang suspek na si Ramon Torres, 32, residente ng Brgy. San Vicente, Bamban, Tarlac sa bisa ng warrant of arrest na inisyu ni Hon. Percival Tabalon Atinaja, Presiding Judge of RTC Branch 113, Conception, Tarlac para sa Violation of RA 10591 (Illegal Possession of firearms).

Naka-docket ang kaso sa ilalim ng Criminal Case Number CT19-8097 na may petsang Agosto 9, 2022 na may inirerekomendang piyansa na P140,000.

Nasa kustodiya na ngayon ng Bamban Police ang akusado para sa dokumentasyon at tamang disposisyon.