Kanselado na ang mga laro sa Philippine Basketball Association (PBA) Commissioner's Cup sa Ynares Center sa Antipolo City nitong Sabado dahil na rin sa bagyong Paeng.
Sa pahayag ng PBA, hindi muna itutuloy ang nakatakdang salpukan ng Meralco at San Miguel, gayundin ang tunggalian sa pagitan ng Rain or Shine at Magnolia.
Katwiran ng liga, hindi ligtas sa mga manlalaro at fans na lumabas dahil na rin sa sama ng panahon.
Ito na ang ikalawang pagkakataong kinansela ang mga laro sa PBA na dulot ng bagyo. Nitong Setyembre, ipinagpaliban din ang PBA games dulot ng bagyong Karding.
Agusan del Sur, nilindol ng magnitude 5.3
Wala pang inilabas na panibagong petsa ng mga nakanselang laro ang liga.
Nitong Sabado, kabilang ang Metro Manila sa siyam na lugar na isinailalim sa Signal No. 3 bunsod ng bagyo.
