Matapos maispatan ang aktres na si Ruffa Gutierrez sa soft launching ng ALLTV kamakailan, naging usap-usapan kung isa na rin ba siya sa mga lumipat sa bagong network.
Gayunman, pinabulaanan na ng aktres ang mga usap-usapang lumipat na siya.
Sa isang Instagram post, nagkomento ang isang netizen na mamimiss niya si Ruffa dahil 'star' na raw siya ng bagong channel.
"Ruffa G, I will miss you na kasi I heard star ka ng new channel."
Empleyadong lasing, patay matapos sapakin ng ginising na katrabaho
Sinagot naman ito ng aktres, aniya wala raw siyang exclusive contract sa anumang network.
"I am a freelance. No exclusive contract with any network. I am allowed to work with everyone."
Samantala, nilinaw rin ng aktres ang dahilan kung bakit hindi na siya napapanood sa showtime.
"Hindi ko iniwan ang @itsshowtimena. I'm on vacation po," sagot niya sa isang netizen na nagkomento sa hiwalay na Instagram post.
Kasalukuyan ngayong nasa Italy si Ruffa kasama ang anak na si Venice.
