Isang lalaki na nagtitimpla lamang umano ng kape ang patay sa isang naganap na pagsabog sa Antipolo City sa Rizal nitong Linggo ng madaling araw.
Hindi na umabot pa ng buhay sa Cabading Hospital ang biktimang nakilala lang na si Fernan Fernandez dahil sa tinamong mga sugat sa kanyang katawan.
Batay sa ulat ng Antipolo City Police na inilabas nitong Lunes, dakong alas-4:00 ng madaling araw nang maganap ang pagsabog sa tahanan ng bayaw ng biktima sa Sitio Binayuyo, Brgy. Calawis.
Kadarating lamang umano ng biktima at naghahanda ng kape para sa kanilang almusal, nang habang kinukuha nito ang takuri ng kumukulong tubig ay bigla na lang nagkaroon ng pagsabog na nagresulta upang magtamo siya ng mga sugat sa kanyang katawan.
4.4-magnitude na lindol, tumama sa Davao de Oro
Kaagad namang isinugod ang biktima ng kanyang asawang si Marivic Fernandez sa pagamutan ngunit hindi na umabot pa ng buhay.
Masusi pa namang iniimbestigahan ng mga otoridad kung ano ang pinagmulan ng naturang pagsabog.
