Muling itinanggi ng sexy actress na si AJ Raval ang intrigang nagdadalantao siya sa anak nila ng rumored boyfriend na si Aljur Abrenica.
Matatandaang inispluk ng showbiz columnist na si Cristy Fermin, sa kaniyang entertainment vlog na "Showbiz Now Na", na ayon sa kaniyang mapagkakatiwalaang source ay umamin na mismo si AJ na buntis na ito, taliwas sa nauna na niyang pagpapakita ng flat na tiyan sa kaniyang social media.
Basahin: https://balita.net.ph/2022/07/02/aj-raval-itinanggi-ang-tsismis-na-buntis-siya-ibinalandra-ang-tiyan/">https://balita.net.ph/2022/07/02/aj-raval-itinanggi-ang-tsismis-na-buntis-siya-ibinalandra-ang-tiyan/
"Totoo po, mga kachika, nagdadalantao po si AJ Raval," panimula pa lamang ng kanilang vlog.
Jude Bacalso, nanindigang valid complaint pagtawag ng 'Sir' sa kaniya ng waiter
"Hindi po kasi makapagsisinungaling ang mga taong malapit sa kanila, na aming source tungkol sa isyung ito," giit pa ng showbiz columnist.
Ayon kay Cristy, hindi mamatay-matay ang isyu ng pagbubuntis ng aktres. Nanghihinayang naman siya sa gumagandang career ni AJ.
"Kaya yung pelikula niyang sinimulan, hindi na itinuloy. Naaano lang ba ako, sayang 'tong batang ito," aniya.
Naniniwala naman siya na paninindigan naman ng rumored boyfriend niyang si Aljur Abrenica ang dinadala nito.
"Alam kong lalaking-alaki si Aljur. Kaya niya 'yan, pananagutan niya ang kanilang produkto ni AJ," aniya.
Kinakabahan daw si Cristy kapag may nanulsol sa estranged wife ni Aljur na si Kylie Padilla na magsampa ng kaso laban sa kanila, lalo't hindi pa naman gumugulong ang annulment nila.
Basahin: https://balita.net.ph/2022/07/19/aj-raval-buntis-na-raw-ispluk-ni-cristy-fermin/">https://balita.net.ph/2022/07/19/aj-raval-buntis-na-raw-ispluk-ni-cristy-fermin/
Nagpadala ng text message si AJ sa showbiz reporter na si MJ Marfori at pinabulaanan ang claim ni Cristy tungkol sa kaniyang pagbubuntis, na naibalita naman sa flagship newscast ng TV5 na "Frontline Pilipinas" nitong Miyerkules, Hulyo 20.
Kung positibo man daw si AJ ngayon, hindi ito pregnancy test kundi sa test para sa Covid-19. Kaya ngayon ay nakatengga ang aktres, at hindi totoong nawalan na siya ng proyekto dahil sa pregnancy issue.
Tikom din ang bibig ng kampo ni Aljur Abrenica tungkol sa intrigang ito.
Well, ano kayang masasabi rito ni Cristy ngayong kinumpirma niyang nagsasabi nang totoo ang kaniyang impormante?
