Sinabi ng Commission on Elections (Comelec) noong Miyerkules, Mayo 11, na nakapag-canvass na ito ng 46 election returns (ERs) ng local absentee voting (LAV) mula sa 188 ERs.
Sinabi ni Comelec Acting Spokesperson John Rex C. Laudiangco na nasa 25 percent ang kabuuang canvassed LAV noong Mayo 11.
“Again, to stress, this is the highest turnout of registrants and voters who actually voted for the local absentee voting,” aniya.
Sinabi ni Laudiangco na may kabuuang 84,358 na botante ang naaprubahang magsumite ng kanilang sa pamamagitan ng LAV.
Romina, patuloy na kumikilos patungong Southern Kalayaan Islands
Sa bilang na ito, 74,852 sa kanila ang bumoto, na katumbas ng 88 porsiyento ng kabuuang LAV na mga botante.
Sa ilalim ng LAV, ang mga opisyal at empleyado ng gobyerno; tauhan ng Armed Forces of the Philippines at Philippine National Police; pati na rin ang mga miyembro ng media, kasama ang kanilang mga technical at support staff, ay pinahihintulutan na mag-avail ng local absentee voting.
Ito ay hangga't sila ay mga rehistradong botante, na ang mga rekord ng pagpaparehistro ay hindi na-deactivate; at pansamantalang itatalaga upang gampanan ang mga tungkulin sa halalan o upang saklawin at mag-ulat sa pagsasagawa ng mga halalan sa mga lugar kung saan hindi sila rehistradong mga botante.
Jel Santos
