ni Jun Fabon

MAKALIPAS ang isang Linggo, nasa higit .2 milyon mga pamilya sa QC ang

napagkalooban ng pinansiyal na ayuda na posibleng umakyat sa .3 milyon

sa mga susunod na araw hanggang makumpleto  sa ibinigay ng 15 days

extension ng DILG, inihayag ni Mayor Joy Belmonte kahapon.

Base sa datos ng  City Treasurer’s Office, lumitaw na nitong April 13,

2021, meron ng  276,389 pamilya katumbas ng 865,000 mga residente ang

nabiyayaan ng ng ayudang pinansiyal ng national government sa

pamamagitan ng Social Welfare and Development (DSWD).

Anila, ang pagpapantay ay nasa  35%  ang tinatayang target ng 800,000

pamilyang benepisyaryo ng P2.48 bilyon nakalaang pondo sa Quezon City.

“This is an achievement already given that it has just been a week

since we started distribution and considering the number of people

that we have to cover before the 15-day deadline set for all cities in

Metro Manila,” giit ng Mayora.

Nilinaw ng Alkalde, ginamit ng pamahalaang lungsod ang mga

benepisyaryo sa listahan ng DSWD Social Amelioration Program (SAP),

Pantawid Pamilyang Pilipino Program (4Ps), at mga nasa listahan sa SAP

na kabilang sa low-income bracket at mahihirap na mga sektor.

Batay sa Department of Interior and Local Government (DILG), ang QC ay

pangalawa sa mga local govt. units sa NCR plus ang may pinakamalaking

ayuda na naipamahagi sa mamamayan.

Nabatid kay City Administrator Michael Alimurung, sa kasalukuyan ay

walang reklamo mula sa mga benepisyaryo dahil sa ginawang stratehiya

ng city government upang maging organisado ang pamamahagi tulad ng

pamimigay ng mga stubs  sang-ayon sa schedule set, pagpatupad ng

alphabetical scheduling, at limitadong bilang mga taong nakapila araw

- araw ng hanggang 2,000 sa payout centers.

Aniya, sa tulong ng mga Barangay, nabago at naging maayos ang sistema

ng pamamahagi ng ayuda pati basic health protocols gaya ng  social

distancing, pagsuot ng facemask at face shield.

Habang lumikha din ang  QC government ng Grievance and Appeals

Committees sa kada distribution site para matulungan at mabigyan ng

kosiderasyon ang mga indibiduwal at pamlya na wala sa listahan.