NAMAALAM na as anchor ng Pasada Sais Trenta ng DZMM si Pat Daza and joined Brightlight Production, isang blocktimer sa TV5. Kung baga sa pelikula ay star-studded ang mga shows na ipo-promote ni Pat-P., as admin head ng kompanya ng former Congressman Albee Benitez. Among them ay ang mga sumusunod, ang nailunsad nang Launch Out Loud with Billy Crawford, Alex Gonzaga at Ariel Rivera; ang Rated Korina na nag-umpisa na rin; ang Oh My Dad! nina Ian Veneracion at Dimples Romana sa direksyon ni Jeffrey Jeturian. Nariyan din ang I Got You ni Dan Villegas starring RK Bagatsing at Beauty Gonzales; Sunday ‘Kada by Bobot Mortiz with Daniel Matsunaga; at Sunday Noontime Live! sa direksyon ni Johnny Manahan with Piolo Pascual, Catriona Gray kasama sina Donny Pangilinan at Maja Salvador.
Tulad ng ibang talents ng ABS-CBN gustuhin man nilang manatili bilang Kapamilya ay kailangang humanap ng pagkakakitaan elsewhere para buhayin ang pamilya. Natugunan ang kanilang dasal sa pagsilang ng Brightlight Productions.
-REMY UMEREZ
