Pormal at opisyal nang inanunsyo ng Prime Video at Prime Video Philippines ang pagsasama-sama sa kauna-unahang pagkakataon nina Megastar Sharon Cuneta, Kapuso Primetime Princess Barbie Forteza, Khalil Ramos, at John Estrada sa isang serye, sa muling kolaborasyon ng ABS-CBN at GMA Network, sa produksyon ng Dreamscape Entertainment.
Ito na ang kumpirmasyon sa kumakalat na tsikang magkakasama sa isang serye sina Shawie at Barbie.
May titulo ang serye na "Honor Thy Mother" na isang family drama series.
"They are ready to serve drama and make our hearts weep!" mababasa sa post ng Prime Video.
"Meet the star-studded cast of #HonorThyMother, premiering September on Prime Video!" dagdag pa.
Ivana, windang sa halik ni Joshua: 'Grabe kang sumipsip!’
Ito ang unang beses na magkakatrabaho silang apat, at ito naman ang unang teleserye ng Megastar na mapapanood sa Prime Video, na eventually ay posibleng mapanood din sa telebisyon, lalo na sa Kapuso Network.
Ito rin naman ang unang beses na sasalang si Barbie sa isang proyektong ka-collab ng GMA ang ABS-CBN at Dreamscape.
Ang huling teleseryeng kinabilangan ni Sharon, na napanood din sa Prime, ay "Saving Grace" kasama sina Julia Montes at Sam Milby.
Naging bahagi rin ang Megastar ng "FPJ's Ang Probinsyano" na kauna-unahan niyang teleserye sa Kapamilya Network.
Masayang-masaya naman si Sharon sa kaniyang pagbabalik-telebisyon.
"I promised you a couple of surprises this year-here’s the first! My new drama, 'HONOR THY MOTHER,' the first-ever collab between TV Giants ABS-CBN and GMA7, creative production by the one and only @dreamscapeph , brought to you by @primevideo @primevideoph !!!"
"Honored and excited to be working soon with the lovely Ms. Barbie Forteza @barbaraforteza , my favorite movie hubby @johnestrada__ , and young heartthrob @khalilramos !"
"Praise God for this opportunity and beautiful project. Abangan niyo po sana! Mag-uumpisa na po kami mag-shoot very soon! God bless you and I love you all!!!!" saad ni Sharon.
Sa Instagram post naman ni Barbie, ibinahagi niyang ang Megastar ang naging dahilan kung bakit pinasok niya ang pag-aartista, kaya dream come true ito para sa kaniya.
"She was the reason why I wanted to become an actress," saad ni Barbie.
"Dreams do come true. Beyond excited to work with you po, Ms. @reallysharoncuneta," ani Barbie.
Ibinahagi naman ni John ang ilang larawan at video ng pag-launch ng Prime Videos sa kanilang apat.
"Abangan," saad ni John.
"This is my second time with Prime Video. They've always championed the Filipino stories and I'm very much excited to be part of Honor Thy Mother," saad naman ni Khalil.
Saad naman ng Prime Video, inaasahang mapapanood na ito sa Setyembre 2026.
