NEW YORK (AFP) — Mamarkahan ng New York ngayong Biyernes (Sabado sa Pilipinas) ang ika-19 na anibersaryo ng mga pag-atake noong Setyembre 11, 2001 sa gitna ng pandemya ng coronavirus.
Magdaraos ang lungsod ng taunang seremonya nito bilang pag-alaala sa halos 3,000 katao na namatay sa pinakamadugong pag-atake ng terorista sa kasaysayan ng United States, na may isang minuto katahimikan sa eksaktong sandali na ibinagsak ng mga jihadist ng Al-Qaeda ang dalawang na-hijack na mga eroplano sa mga tore ng World Trade Center.
Sa halip na basahin ang roll call ng mga namatay, ngayong taon ang mga pamilya ng mga biktima ay inirekord ang kanilang mga sarili. Ngunit naroon pa rin sila sa “Ground Zero” memorial.
Bubuksan din ang museo sa lugar sa kauna-unahang pagkakataon mula nang pinatigil ng novel coronavirus ang lungsod noong Marso.
