NAGHIHINTAY ang milyong papremyo sa ikalawang pagsasagawa ng “P1K for P1M” PAGCOR bingo tournament sa February 22 sa Casino Filipino (CF) Manila Bay ng Rizal Park Hotel, Ermita, Manila.
Matapos ang matagumpay na unang yugto ng programa nitong Enero 25, magbabalik ang pinakahihintay na laro ng sambayanan upang muling magbigay ng kasiyahan at katuparan ng pangarap. Sa halagang P1,000, may apat na tiket ang kalahok na magagamit sa laro.
May jackpot na P100,000 sa game 1 hanggang 9. Magsisimula ang laro ganap na 2:00 ng hapon.
Sa mga nagnanais na lumahok, maaring maglaro sa CF Manila Bay at s aiba pang branches at satellites sa Angeles, Bacolod, Carmona, Cebu, Davao, Ilocos Norte, Iloilo, Mactan, Malabon, Olongapo, Parkmall (Cebu), Ronquillo (Manila), Tagaytay at Talisay (Cebu).
