Team LeBron vs Team Giannis sa NBA All-Star Game-Balita

MIAMI (AP) — Sa isa pang pagkakataon, pamumunuan nina LeBron James at Giannis Antetokounmpo ang NBA All-Star Game: Team LeBron vs. Team Giannis.

JAMES: Back-to-back All-Star Game champion.

Kapwa nanguna ang dalawang future hall-of-famer sa pinakahuling bilangan ng boto, sapat para tanghaling team captains ng Western at Eastern Conference, ayon sa pagkakasunod.

Ang iba pang starters para sa ispesyal na palabas na gaganapin sa Chicago sa Feb. 16 ay sina Anthony Davis ng Los Angeles Lakers, Kawhi Leonard ng Los Angeles Clippers, Luka Doncic ng Dallas Mavericks, James Harden ng Houston Rockets, Pascal Siakam ng Toronto Raptors, Joel Embiid ng Philadelphia 76ers, Kemba Walker ng Boston Celtics at Trae Young ng Atlanta Hawks.

Bilang overall top vote-getter, si James ang may karapatan na mamili sa top pick sa format na ipinatupad may dalawang taon na ang nakalilipas. Sa second round ng pilian ng magiging kasangga, si Antetokounmpo ang may karapatang maunang pumili sa mga reserves player.

Naitala ni James ang kasaysayan sa NBA bilang starter sa ika-16 na pagkakataon. Nasa ikatlo siya sa listahan ng may pinakamaraming All-Star appearance sa likod nina 19-time selection Kareem Abdul-Jabbar at 18-time selection Kobe Bryant.

Nakakuha si James ng kabuuang 6,275,459 fan votes at gapiin si Doncic para sa West captain’s spot nang may 163,724 boto. Sa ikatlong sunod na season mula ng ipatupad ang format, si James ang team captain. Ginapi ng Team LeBron ang Team Giannis sa nakalipas naseason, habang nanaig ang Team LeBron sa Team Stephen Curry noong 2018.

Nakatanggap si Antetokounmpo ng 5,902,286 votes, kasunod si Embiid na may 3.1 milyon votes.

Ayon sa NBA, tumaas ng 7 porsiyento ang partisipasyon ng mga fans sa pagboto.

Sa pagkakapili sa 21-anyos na si Young at 20-anyos na si Doncic sa starting line-up, ito ang ikalawang pagkakataon sa kasaysayan ng All-Star na may dalawang starting players na edad 21-anyos pababaa. Noong 1998, napiling starter ang noo’y 19-anyos na si Bryant at ang 21-anyos na si Kevin Garnett.

“It’s an indescribable feeling,” pahayag ni Young, “After watching and admiring all these guys in the league growing up, I am truly humbled to be in this position.”

Ipapahayag ang listahan ng mga reserved players sa Jan. 31. Pipiliin sila ng mga team head coaches.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...