DEDEPENSAHAN ni Pedro Taduran ang International Boxing Federation (IBF) mini-flyweight crown laban kay Daniel Valladares sa Pebrero 1 sa Guadalupe, Mexico.

“Isang bagay lang ang sinabi ko sa kanya, pasukin mo agad,” pahayag ni Art Monis, chief handler ng Pinoy champion.

Tangan ni Taduran ang ring record na 14-2, tampok ang 11 KOs. Nakatakda siyang tumulak patungong Mexico sa Sabado.

“Kumpyansa kami dahil maganda ang ensayo niya,” sambit ni Monis.

Akari Sports wala pang balak pasukin ang PBA

Nakuha ni Taduran ang IBF 195-lb title nitong September nang gapiin ang kababayan na si Samuel Salva sa ikatlong round.

Galing si Valladares (22-1 with 13 KOs) sa impresibong panalo kontra sa dating walang talong Pinoy na si Christian Araneta.