INAASAHANG aabot sa 400 ang sasabak sa pinakamalaking sabong event ngayong taon -- 2020 World Pitmasters Cup (WPC) 9-Cock International Derby.
Ayon sa organizers, ang malaking bilang ng lahok ay patunay na kinikilala sa industriya ang WPC na nasa ika-13 edisyon at ginaganap sa Newport Performing Arats sa Resorts World Manila.
Kabilang din sa maglalabas ng kanilang pambatong palaban sina World Pitmasters Cup promoters Charlie “Atong” Ang, Gerry Ramos, Ako Bisaya Party-List Rep. Sonny Lagon, RJ Mea at Agusan del Sur Rep. Eddiebong Plaza, gayundin ang mga kilala at pamosong local at international breeder.
Itinakda ang apat na sunod na 2-Cock elimination sa January 29-February 1 (Sets A-D). May naghihintay na 220 k Pot Money sa 10-Cock Big Event sa Febrero 3-4. Sasalang naman ang qualifiers sa 3-Cock Semi-Final rounds sa February 5 para sa Set A, February 6 sa Set B, February 7 sa Set C at February 8 sa Set D.
'Aapela raw!' John Amores 'di tanggap pagkawala ng professional license?
Pahinga sa February 9, bago ang 4-Cock Pre-Final round sa February 10 para s amag may iskor na 3 at 3.5, habang ang Grand Finalists ay yaong may iskor na 4, 4.5 at 5 points.
Inilagay ang pot money sa P88,000, habang ang minimum bet ay P55,000. Ang January 2020 World Pitmasters Cup 9-Cock International Derby ay suportado ng Resorts World Manilasa pakikipagtulungan ng Thunderbird, THOR MD, Excellence Poultry and Livestock Specialist, VNJ Distributors, Experto Gamefowl Products at Rusi Motorcycles. May basbas ang cockfighting event ng Games And Amusements Board (GAB).
Sa mga nagnanais na makakuha ng cockhouse reservations, makipag-ugnayan sa 0915-1527975.
