Dahil sa kanselasyon ng klase ng ilang mga local government units sa Metro Manila, kinansela na rin ng NCAA Management Committee lahat ng mga larong nakatakda sana kahapon sa NCAA Season 95 Volleyball Tournament sa Filoil Flying V Center sa San Juan.
Inilabas ang anunsiyo ni NCAA ManCom chairman Peter Cayco ng season host Arellano University.
Napilitang magkansela ng klase ang mga LGU kabilang na ang lungsod ng Manila dahil sa matinding ashfall na dulot ng biglaang pag-aalburuto ng bulkang Taal nitong Linggo.
Kabilang sa mga nakanselang mga laro ay ang juniors, mens at women’s matches ng Arellano University at Emilio Aguinaldo College at ng College of St. Benilde at Mapua.
