St. Benilde Blazers, asam maglagablab sa liderato-Balita

St. Benilde Blazers, asam maglagablab sa liderato

Standings W L

San Beda 5 0

CSB 4 0

LPU 5 1

Letran 5 2

SSC-R 2 3

JRU 3 4

Perpetual 2 4

Mapua 1 5

Arellano 1 5

EAC 1 5

Mga Laro Ngayon

(Filoil Flying V Centre)

2:00 n.h. -- Mapua vs EAC (Men)

4:00 n.h. -- Arellano vs CSB (Men)

MULING makasalo sa liderato ng reigning titlist San Beda University ang target ng College of St.Benilde sa pagsalang ngayon sa pagpapatuloy ng NCAA Season 95 Men's Basketball Tournament sa Filoil Flying V Center sa San Juan.

Makakasagupa ng Blazers sa huling laro ngayong 4:00 ng hapon ang season host Arellano University kasunod ng unang salpukan sa pagitan ng Mapua University at Emilio Aguinaldo College ganap na 2:00 ng hapon.

Tatangkain ng Blazers na makamit ang ikalimang sunod na panalo upang mapanatiling malinis ang marka at pumatas sa Red Lions sa pamumuno.

Huling tinalo ng CSB ang San Sebastian College nitong Hulyo 30, 77-72 at mula doon ay nakansela ng tatlong sunod ang kanilang mga laro dahil sa masamang lagay ng panahon kung kaya ngayon na lamang sila ulit mapapalaban.

Sa panig naman ng Chiefs, magkukumahog naman silang makabalik sa win column kasunod ng dalawang sunod na kabiguan, pinakahuli nitong Sabado sa kamay ng Mapua( 64-73 ) sa Cuneta Astrodome sa Pasay City na nagbagsak sa kanila sa buntot ng standings kasalo ng Generals at ng Cardinals taglay ang 1-5 marka.

Bagamat matagal na nabakante, inaasahang nakatulong din sa CSB ang nangyaring kanselasyon ng kanilang mga laban kontra San Beda (Agosto 2), Letran (Agosto 6) at Jose Rizal University(Agosto 9) dahil nakapahinga sila ng husto partikular ang main man na si Justin Gutang na inaasahang lalaro na ngayong hapon matapos ma-sideline ng injury sa kaliwang tuhod.

Samantala, gaya ng Chiefs, magkukumahog namang makaahon mula sa ilalim ng team standings ang mga kasalukuyang cellar dwellers Cardinals at Generals.

Sisikapin ng Mapua na masundan ang natamong unang panalo noong Sabado kontra Arellano habang magtatangka namang makaahon mula sa kinasadlakang apat na sunod na kabiguan ang Generals. Marivic Awitan

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...