PUMAYAG na si Mother Lily Monteverde na si Judy Ann Santos ang gumanap sa katauhan niya sa biopic na ipu-produce ng mga anak niyang sina Roselle Monteverde ng Regal Entertainment at Dondon Monteverde ng Reality Entertainment. Si Erik Matti ang magdidirek ng pelikula.

Batay sa post ni Direk Erik sa kanyang social media account, matagal na nilang ‘nililigawan’ ni Dondon si Mother Lily na gawin para sa biopic.

Nakapag-research na raw sila tungkol sa film producer. Nakapag-interview na rin sila ng mga taong matagal nang kilala si Mother Lily, pati na rin ang Regal Films staff gaya ng mga direktor, designer, aktor, manager, at production team.

Tsika at Intriga

'Magkagalit sila?' Dennis, Ruru 'di raw nagpansinan sa set ng 'Green Bones'

Ang istorya ay isusulat ni Moira Lang at Michicko Yamaguchi at ang titulo ng pelikula, The Mother Lily Story.

Narito ang post ni Roselle Monteverde sa kanyang Facebook account:

“Finally, we are at the work of doing a milestone movie with Erik Matti and his team. I am more than excited but passionate as well because it is the story of my mom and the mother of a lot in the Philippine entertainment industry. This is the story of ‘Mother Lily’ to everyone that knows her and who has been part of her journey! I will finally announce this officially today.”

Last Sunday, August 4 ang announcement ni Roselle.

Gagampanan daw ni Juday ang batang Mother Lily.