MULING sinolo ng defending champion San Beda University ang liderato matapos iposte ang ika-4 na sunod na panalo sa pamamagitan ng 73-59 na paggapi sa San Sebastian College kahapon sa NCAA Season 95 Men's Basketball Tournament sa Filoil Flying V Center sa San Juan.

Nakuha pang makabig pabalik ang lamang sa huling pagkakataon, 50-48, papasok sa huling anim na minuto ng laban ng Stags matapos ang pang-apat na triple sa laro ni Arjan de la Cruz.

Kasunod nito, rumatsada ng 12-0 run ang Red Lions na tinampukan ng back-to-back triples nina Clint Doliguez at Calvin Oftana para itayo ang 60-50 bentahe, mahigit apat na minuto pa ang nalalabi.

Mula roon, hindi na nakadikit pa ang Stags na bumagsak sa ikalawang sunod nilang talo na nagbaba sa kanila sa patas na markang 2-2.

Angelica Yulo, proud na ibinida hakot awards na 'Golden Boy' anak na si Eldrew

Nagtala si Evan Nelle ng 14 puntos, 10 assists at 4 na rebounds kasama sina Donald Tankoua at James Canlas na kapwa tumapos na may tig-14 puntos kasunod si Oftana na may 10 puntos at 10 rebounds upang pamunuan ang panalo ng San Beda.

Nanguna naman sa nabigong Stags si Allyn Bulanadi na may 15 puntos, 6 rebounds, 4 assists at 2 blocks.