MAGBABALIK aksiyon ang Philippine national Muay Thai silver medallist na si Angelie “D Explorer” Sabanal sa ONE Championship sa Hunyo 15.
Makakaharap niya si Itsuki “Strong Heart Fighter” Hirata ng Japan sa isang three-round atomweight affair sa ONE: LEGENDARY QUEST na gaganapin sa Baoshan Arena in Shanghai, China.
Matapos ang panalo niya laban kay Rika “Tiny Doll” Ishige sa kanyang promotional debut sa ONE: IRON WILL noong Marso 2018 ay natalo naman siya ni Priscilla Hertati Lumban Gaol sa sumunod niyang laban via decision sa ONE: WARRIOR’S DREAM noong Nobyembre.
“My loss last November was more of a blessing in disguise because it showed me my weaknesses and the things that I need to work on,”sabi niya.
Romualdez, pinasalamatan tennis player na si Alex Eala
“I learned a lot after that fight in Jakarta. Now I’m even more dedicated as I want to achieve more in this sport.”
Ang makakalaban niyang si Hirata, ay isang unbeaten Japanese warrior na nagpasuko na ng maraming kalaban sa amateur level pa lang.
“I don’t know much about her, but I know that she’s very dangerous on the ground,” paliwanag ni Sabanal.
“That’s why I’m working on all aspects of my game, so I will be ready with whatever she throws at me in our match.”
