Patay ang isang sundalo nang pagbabarilin ng pinaniniwalaang mga miyembro ng Bangsamoro Islamic Freedom Fighters (BIFF) sa isang pananambang sa Datu Odin Sinsuat, Maguindanao, kaninang umaga.
Sa report ni Lt. Col. Sabri Lakibul, hepe ng Datu Odin Sinsuat Police Station (DOSPS), nakilala ang napaslang na si Staff Sgt. Miranda Lumbatan, 45, miyembro ng Philippine Army (PA), at taga-Talitay, Maguindanao.
Sa imbestigasyon ng pulisya, galing umano sa pagsisimba ang biktima at pabalik na sana ito sa kanilang kampo nang tambangan ng mga hindi nakikilalang lalaki sa Sitio Daywan, Barangay Tanuel.
Romina, patuloy na kumikilos pahilaga; hindi na nakaaapekto sa Kalayaan Islands
Dead on the spot si Lumbatan dahil sa mga tama ng bala sa dibdib at balikat.
Kaugnay nito, naniniwala naman ang militar na kagagawan ng BIFF ang insidente.
-Fer Taboy
