Good news sa mga motorista!
Matapos ang apat na magkakasunod na linggong oil price hike, pinangunahan kahapon ng Phoenix Petroleum ang big-time oil price rollback para sa susunod na linggo.
Sa pahayag ng Phoenix Petroleum, epektibo dakong 12:00 ng tanghali ngayong Sabado ay nagtapyas ito ng P1 sa kada litro ng gasolina, habang P0.80 naman ang bawas-presyo sa diesel.
Dalawang Tulfo brothers, nanguna sa survey ng senatorial race
Asahan na ang pagsunod ng iba pang kumpanya ng langis, tulad ng Shell, Petron, Flying V at PTT Philippines, sa kaparehong bawas-presyo sa petrolyo sa Martes, Mayo 7.
Ang price rollback sa petrolyo ay bunsod ng pagbaba ng presyuhan ng langis sa pandaigdaigang pamilihan.
Abril 2 pa huling nagbawas ng 30 sentimos sa diesel, 20 sentimos sa kerosene, at 10 sentimos sa gasolina.
Bella Gamotea
