Napatay ang dalawang lalaking umano’y nasa drug watchlist matapos umanong lumaban sa pulisya sa isang operasyon kontra iligal na droga sa Barangay Bakod Bayan, Cabanatuan City, Nueva Ecija, kaninang madaling-araw.
Binawian ng buhay ang dalawang suspek na sina Anthony Arenas, alyas "Tone”, at Cedric Mina, alyas "Onjong", kapwa
nasa hustong gulang.
'Mass poisoning?' Tinatayang 20 alagang hayop sa Albay, hinihinalang nilason nang sabay-sabay
Sa imbestigasyon ng Cabanatuan City Police, isinailalim sa operasyon ng mga tauhan ng Drug Enforcement Unit (DEU) ang dalawang suspek sa Barangay Bakod-Bayan, dakong 2:20 ng madaling araw.
Nahalata umano ng dalawa na isa lamang patibong ang transaksyon kaya pinaputukan nila ang mga pulis.
Bumulagta ang dalawang suspek na nasamsaman ng isang homemade cal. 22 pistol; cal .38 revolver; marked money, 27 na plastic sachet na naglalaman ng umano’y shabu, at isang motorsiklo na ginagamit umano ng mga ito sa pagbebenta ng ipinagbabawal na droga.
-Light A. Nolasco
