Sinabi nitong Miyerkules ni Miss Universe 2018 Catriona Gray na mas gusto niyang tutukan ngayon ang kanyang reign kaysa kanyang love life.
“The crown muna. It's a once in a lifetime opportunity. And the distance [sa pagitan nila ng boyfriend na si Clint Bondad]. I'm a very focused person so I really do wanna give everything I have to this journey,” sinabi ni Catriona nang papiliin sa pagitan ng korona o pag-ibig nang interbyuhin siya sa TV Patrol ng ABS-CBN, matapos ang kanyang homecoming press conference sa Novotel Manila sa Cubao, Quezon City.
Una nang naglabasan ang mga ulat na Disyembre pa umano naghiwalay sina Catriona at Clint, bagamat nananatili silang mabuting kaibigan. Anim na taon silang naging magkarelasyon.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Kapag natapos ang kanyang reign bilang Miss Universe, sinabi ni Catriona na magpo-focus naman siya sa musika.
“There are so many things I’m passionate about, and one of them is definitely music. After my reign as Miss Universe, I would love to pursue music, perhaps be able to write my own songs and collaborate with different artists, and put some music out there for the world to hear,” sabi ni Catriona.
Sinabi rin ng Bicolanang beauty queen na bukas din siya sa oportunidad na pasukin ang Broadway o Hollywood.
“If the opportunity is there, why not? I’m really, really open to any opportunity that may come my way. Especially Broadway, I love Broadway,” sabi ni Catriona.
Ang Filipino-Australian beauty queen ay may Master Certificate in Music Theory mula sa Berklee College of Music sa Boston, Massachusetts.
Robert R. Requintina
