Inaresto ngayong Linggo ang isang taxi driver na naaktuhan umanong bumabatak ng shabu sa loob ng nakaparada niyang taxi sa Makati City.
Kinilala ang suspek na si Jovy Ingalla, 57, may asawa, ng Project 3, Quezon City.
Nakaparada ang Envirocab taxi ni Ingalla (AAJ-6377) sa Apolinario Street sa Barangay Bangkal, Makati, nang mamataan siya nina PO1 Aaron Lorenzo Casauay at PO1 Dalton Bacbac, na noon ay nagpapatrulya, bandang 10:00 ng umaga ngayong Linggo.
National
50.78% examinees, pasado sa Nov. 2024 Licensure Exam for Agriculturists
Naaktuhan umano ng dalawang pulis na bumabatak si Ingalla sa loob ng taxi kaya inaresto ito.
Nasamsam umano mula sa suspek ang isang plastic sachet na may shabu at iba’t ibang drug paraphernalia.
Nakapiit na si Ingalla sa presinto ng Makati City Police.
Jel Santos
