GINIBA ni James Lim si Jiro Alvero sa duel ng fancied bets sa finals para matumbok ang titulo ng Elite Class (Class A/O) category habang sinargo naman ni Ronald Allan Oca ang korona ng Advanced Class (Class B/C) division sa katatapos na Makati Pool Players Association (MAPPA) Christmas 10-Ball Cup 2018 nitong Sabado sa AMF-Puyat Superbowl sa Makati Cinema Square, Makati City.
Tinalo ni Lim ang kanyang katungali para magdagdag ng championships trophy sa kanyang belt. Tumapos naman sina Yeboy Avante at Jun Cornista sa ika-3 hanggang ika-4 na puwesto.
Samantala, pinadapa naman ni Oca si Danny Macajelos para maghari sa Advanced Class (Class B/C) division. Nalagay naman sina Jamie Evangelista at Mel Austria sa ika-3 hanggang ika-4 na puwesto, ayon sa pagkakasunod.
Nanguna sa closing rites sina MAPPA president Eric “Teod” Salud, vice-president Arvin Arceo and secretary engineer Vergel Recaido, world renowned blogger Leslie “AnitoKid” Mapugay,DMC Entertainment and Production management boss Jesse Gonzales Cambosa Sr., former World champion Francisco “Django” Bustamante at Mika “The Iceman” Immonen ng Finland.
